ابو فيصل البارح برق برق والراعد

ابو فيصل البارح برق برق والراعد
يسوق الحيا والعج جا في محاجيره

على ديرت ن عجن وديره هوا بارد
وديره عليها جا الحيا حي من ديره

على ديرت اللي صدرو به وهو وارد
بعد مابغا يعطي هوانا مقاديره

اذا صرت انا وفلان في مركز واحد
تركت الهوا وارتحت لي من مشاويره

واذا صرت انا وفلان نلعب على الزايد
يصير الهوا ما ربحه اوفا مخاسيره

انا عزكم واغليك واحبكم واجد
وجازيتني بالصد والهجر الغيره

تروح وتجي والمرتجي جيتك قاعد
وتبخل بكلمت ياهلا يالله الخيره

اذا قصدكم سحب اعتمادك من الوارد
نحيلك على الصادر وتسحب فواتيره

واذاقصدكم تهديد انا للعنى صامد
انا صلب من مصنع قويه مساميره

انا جازي المعروف معروف ياناشد
وجازي العنيد اعناد مفروض ياميره

وانا الجمل والمعروف مانا بله جاحد
وكلن على شرعه بطوله وتقصيره

ويا موتري سر في طريق الهوا قاصد
ديار الحبايب لا تكسل من السيره