هذي قصايد قديمه لسمو الامير خالد الفيصل وسمو الشيخ محمد بن راشد ال مكتوم،،

السلام عليكم ورحمت الله وبركاته،،
هذي قصايد قديمه لسمو الامير خالد الفيصل وسمو الشيخ محمد بن راشد ال مكتوم،،
واعتقد الكثير منكم قد سمع فيها او قرأها من قبل ،، بس تستحق هذي القصايد انه الواحد يقراها أكثر من مره،،،

من بادي الوقت وهذا طبع الايامي = عذبات الايام ما تمدي لياليها
حلو الليالي توارى مثل الاحلامي = مخطور عني عجاج الوقت يخفيها
أسري مع الهاجس اللي ما بعد نامي = واصور الماضي لنفسي واسليها
أخالف العمر أراجع سالف أعوامي = وانوخ ركاب فكري عند داعيها
تدفا على جال ضوه بارد عظامي = والماء يسوق بمعاليقي ويرويها
إذا صفالك زمانك عل ياظامي = اشرب قبل لايحوس الطين صافيها
الوقت لو زان لك ياصاح ما دامي = ياسرع ما تعترض دربك بلاويها
حتى وليفك ولو هيم بك اهيامي = سيور الايام تجنح به عواديها
(( الامير خالد الفيصل ))


وهذا رد سمو الشيخ محمد بن راشد



يا مرحبا يا معنى بخط الاقلام = مثائل شوقتني في معانيها
حيا المثائل يا سلالة نسل الكرامي = يا من بيوته عن الزلات يحميها
من داثر الوقت وهذا طبع الايامي = مرات تصفى ومرات الكدر فيها
كم واردا ضاميا صدر بالحيامي = وكم واردا شرب من صافي مغانيها
لا تنظر اللي مضى وتعد الايامي = ارعى ربيع الزمان أول لياليها
حلو الليالي تعوض مر الايامي = ما يحسب الوقت ويفكر فـ ماضيها
لو كان ما بي كتبته جفت أقلامي = من حرتي أبدع أمثالي واغنيها
ردار فكري يصورلي مضن زامي = في هندس الليل يوم أرتاح غافيها
يوم الخلايا تنام وفكرها نامي = حرام عيني لذيذ النوم يأتيها
حالي كما عشب صيف صابها الضامي = ولا كما وردة جفت نواديها
نار الغضى والتوقد في بحر طامي = خالد وعيا مولعها يطفيها
ريم رعى في الفياض وزهر الاوسامي = قائد خشوف الجوازي في مفاليها
بأرض محيله ولو توطاها الأقدامي = تزهى وتضحك لها الدنيا وتحييها
سود الليالي مع صلفات الايامي = نأخذ مقادمها ونترك تواليها
نمشي على درب ما تأطأه الاقدامي = وإن وعرت الارض يعجبني المشي فيها
يا خوي انا ريت رويان وهو ضامي = يا كيف عطشان في جاري سواقيها
ريح ضميرك ولو هيم بك هيامي = حقا على اللي جرح نفسك يداويها
يا مفطر الوقت هذا شهر الصيامي = وليلة القدر في أخر لياليها
يا زين هد الوحش في بعض الايامي = في ديرة قفرت عسره مضاويها
أشقر طويل المعنق يبري لعظامي = صوايده من فنادي الصيد يدميها
يا شيخ هذا زمان كله أنعامي = الذئب جائع وشبعانه حصانيها
لو كان يبغى يغزر نابه الدامي = يا كيف تجرح كواسرها ظواريها
وكل مخلوق في الدنيا فلا دامي = لابد تنهي مغازلها مطاويها
وأخر كلامي بحرف السين واللامي = والميم والعين تتلاها قوافيها



انشاء الله تعجبكم لأن القصايد تحمل توقيع فرسان الشعر الخليجي وفيهما الكثير من الحكم
والدروس اللي يحبها متذوقي الشعر،،